جريدة الحرية

رئيس مجلس الادارة : جوهر محي الدين الهركي - رئيس التحرير : حازم باجلان

ارشيف pdf

البريد الالكتروني

أتصل بنا

من نحن

الرئيسة

	:::::: : ثــــقـــــافيـــــــــة : ::::::
	شعر - قصائد - ابوذيات قصيدة حبيبي صهيب الحبش لان جف الشتاء يدك علبواب خل ابينه انقوي التواصل اذا كربك حماوه ايكت علجساد حتى انجوز مانلبس قماصل ونكعد لزك واحد كون بالاخ جمله وبينه انجز الفواصل تصدمني من اباوع من تمر بيك وتشرد من خيالي الفين فكرة وكض عيوني خاطر ما تصد ليك ومن بين الاصابع تكع نضرة حبك موش بس دمرني وياه حالي وحالي ابويه وياه مدمرة بيك اشكد ما رقيق ايبين الماي بطل شفاف جن وينملي بصاص يصعد شربه شربه و واضح ايكون وحد فاصل يبين بالجسد خاص لذلك لمن اعطش مدري شختار اتيه ياهو انت وياهو الاكلاص لا بالبيت تكعد من يجي البيت سلم بس وابد لا تبقى بالبيت خايف لا توزعك امي للناس لان كلش كريمة وانت جكليت لو ينفع لحسنك حب وجع راس كل الحب ابلعه واكل الشيت جمالك هذا مدري شسوى بالناس جن خل التوازن بين الاجيال الاطفال بيك اتصجم تكوم والشياب يمك تلعب اتبال شهكات الحنين موج العزاوي نزلت دموع الليالي.. وحنت اخدود السهر وانت بفراكك بعتلي.. حسرة واهموم وقهر ليش يل ماخذ فرحتي...نشفت شوك النهر ليش يل بايك ضحكتي... ترضة احيرن بالدهر ------------------- هسة ضاعت كل حياتي.. وذكرياتي وكلشي ضاع والسفينة البيها شوكي..غركت وطاح الشراع ماكو كلمة اتكلي اهلا... بس وداع ابلا وداع وصاررت ايامي محطة... للمشاكل والضياع -------------------- يمة خلص عمري حسرة... مايشوف الفرحة عمري والصبر هاجر تركني.. وحقة من يتركني صبري عندي مجنونة المواجع..والحزن باحساسي حصري مابقة اليسوة بحياتي....والعمر بس خوف يجري ------------------- وين والمن جاي هسة.. من بعد ماضاع كلشي من بعدما عيني ذبلت,,, وبس دمع مربوط رمشي انت هدمت الليالي.. المن كبل وتكول عرشي هسة مااريدك تردلي.. دير وجهك عني وامشي مدمن بيك ميثاق قاسم انه المشــتاكلك بس رآيد انســــــاك واريــدنـك تـجـيـنـي ولآ تـجـيـنـــي ومآ اريــــد التــقي فـد يـــوم ويــاك ومن الكـاك كـون انـــطيـــك عينـي مدمن بــــيــك حـد امنــازع الـروح ما تـــــدري بقدر شــــوكي وحنيني يــمدمن بـــيـك ما فـكرت فـد يـــوم اشــــــتريتك بالغلآ مآ تشــــــتريني يــمدمن بـيـك ســـــــارح دوم وياك كمت ما اميـز ايـســــــآري ويميني ما اريــــدك كمت اتــعانـد اويــــاي وادورنــــــي واكـولن آنـه ويــنـــي صدك ماخذني مني وشـاغل الروح صـدك صـــــاير رهينك مو رهيني يـالمرتـاح ليـلك وانـه ســـــــــهران وليــــــــل الي يــــمر ما يـحتـويـني دخيلك فكلي سحرك خلصت الروح خلصـــني اذا ما تـشـــــــــــــتـهيني احلـفـك كـون عـنـدك ذرة احســاس مو نـفـس الديـانـه انـتـه اويــديــنـي باجر والله ربك يكصــــــــي ويــاك وأشـــــكيـله الجرى بـيـنـك وبـيـنـي اطـلبــك دمـع ســــــــال أبـكد الايام أوويـــآ دم نــــزل رجعـلي ديـنــي صـدكني اعرفك واعرف اشـــــبيك وخطايـاك اقتـنـع بـيـهن يــقـيـنــــي بــس الكلب رايـــــــد يـبـقـى ويـاك قنــعه ارجوك خـل يــقـبــل يـجينـي وخليـك انـتـه عايـش ويـه دنـيــــاك ولآ عنــدك اذن تـســـــمع انـيـنـــي وانــه ادري فقدت الســمع والشوف واحســـــاس ابـضـــياعك يـعتريني بـــس لو تـيـهت فـد يــــوم الدروب صــــــدك حاضــــرة ادليك اديني أبوذيات بعض ناسي تعب وضعي شفه الها رغم جانت امس دمعي شفه الها عكده بليل وبشعره شفلها وسراب وعاصفه ومشدوده اديه ---- الوعد لو طال ابغضنه وكرهه الشكوك ايحطن بكلبي وكرهه اعله قبله وياي دذبحهه وكرهه كتلني الجوع والكمه بطيه سمير صبيح بغداد ------------------------- ابد مو معجزه انتي بل بلانتي لان سويتي يمنه بلبله انتي اذا عل صوت اوصفج بلبل انتي واذا عل وجه اوصفج مزهريه مالك الحزين كركوك --------------------------- تسالني اعله صغي صفي كتلك وكبل لا يحبني كلبك صفي كتلك قريت انت وسمعتك صفكت لك كتلك عيد بس ماعدت ليه ابو الحسنيين الربيعي بغداد ------------------------- افكر بيك دايم وحلم انك واذا تجبل عليه احلى منك شوصفك وصف تطلع احله منه يمحبوبي يبو الذات الوفيه مروان ناجي الجبارة صلاح الدين ومضات بالك لا تثق في دمعة الزور وحذر لا تصدك كل دمع طاح اذا التمساح تبجي عيونه دمعات اكو عدنه بشر يبجيله تمساح عمر القرا غولي نينوى ---------------------- كلت باجر تجيني وطول الليل وعاف ضلوعي كلبي وجاك طاير وكبل لا هو يجيبك وانتضر بيك رحت انه اعله مودك جبت باجر محمود عبد العزيز الموصل ----------------------------- خترد المعزه بداعتي عليك وضم كلبي على كلبك لاتهده الك شريان اكطعه وروح الحسين بس لاينكطع حبل الموده شهد الشمري بغداد ------------------------- انت يلي انواع بيكمن الجمال كلي هم تنباع حتى انه اشتريكيم المرايه الخلكَ توكَف تشوف وانت المراية تجي تباوع عليك زياد البصراوي حكاية أبيات الدارمي عمار الجبوري يقال أن شابه من الريف كانت تعشق شاب ولكن ظروف المجتمع لاتسمح بلقائهما.. وتقدم لخطبتها ولكن اهلها رفضوا بأعطائها كون ان لها ولد عم وبالتالي تزوجت من غيره وتزوج من غيرها.. وفي احد الايام وبعد مضي سنوات نزلت هذه المرأة الى الولايه ترافقها ابنتها وقد بلغت من العمر عشرة سنوات وعلى حين غره صادفت ذلك الرجل الذي كان يعشقها جالسا في ( ربل ) واثناء ماجلست الى جانبه احتكت رجلها برجل الرجل أنشدت تقول: جلد الما لمس جلدك جلد حوت لم يرد عليها ومضت الايام وتكبر ابنتها وتعشق هي الأخرى وحين أحست بها والدتها أخذت تضربها وتريدها أن تكف واذا بالبنت تقول: مو بس انه الحبيت كبلي ام جلد حوت ماجوز انه من هواي اله انهج الموت افاق الحرية 2010-01-02

عناوين رئيسية
أخبــــار وتقارير خلـــــف الحــدث وجـهــا لوجـــــه آراء الصحـــافة أهــــل الـــفــــن تحــــقــيـــقــــات وجـهـات نـظــــر ثـــقـافــــيــــــــة بـــانـــــورامـــا مــــلاعـــــــــب

	اعمــــــــــــــــدة

	الافتتاحيـــة
	نقطـــة نظـــام
	أصـــــداف
	على الوتـــر
	ثقافـــة الاحتــلال
	مربـــط الفــرس
	كـلمـــة حـــق

جميع حقوق النشر محفوظة بأسم جريـــدة آفاق الحرية ©